بنت بتكتشف عندها قوة خارقه جباره وبتنضم لفريق ابطال خارقين علشان تحارب منظمة عايزة تقضي عليهم

( اللهم صلي على سيدنا النبى ) ????
( لا حول ولا قوة الا بالله )????
( لا اله الا انت سبحانك انى كنت من الظالمين )????


الجزء الاول : https://www.youtube.com/watch?v=x3Z1WEKBonk&t=302s
ملخص : The Gifted s1 part 2

شباب اكتشفو ان عندهم قوة خارقه وبيتحكموا البرق والاشياء وعملو خطه عشان يقضوا علي عصابة خطيره هتدمرهم

بيبدأ المسلسل بعربية الشرطة كانت بتطارد بنت في ليلة ممطرة، والبنت دي اسمها (كلاريس) وكانت سريعة جدا ومكانوش عارفين يلحقوها، بس لما بتلاقي نفسها وصلت لطريق مسدود بتقف وتفضل تحاول انها تفتح بوابة انتقال لحظي، وفين وفين علي ما بتعرف تفتح بوابة بإيديها وتعدي منها في اخر لحظة والبوابة بتتقفل تاني وتختفي من الشارع كله.
وساعتها كان فيه 3 اشخاص تانين بيدورو عليها ومنهم واحد عنده قوة خارقة بيقدر يتتبع اي حد ويعرف مكانه، واول ما بيركز علي الشخص اللى بيدور عليه، علامة النسر اللي علي دراعه بتنور ويعرف مكانه.
وده اللي بيحصل المرة دي وبيركز علي (كلاريس) لغاية ما بيعرف المكان اللى هي مستخبية فيه، فبسرعة بيدخلولها وواحد منهم بيطمنها ويقولها انهم عندهم قوة خارقة زيها بالظبط وعاوزين يساعدوها مش اكتر، وانهم عارفين انها هربانة من مركز احتجاز المتحولين، وبيعرفها عليهم (ماركوس) و(لورنا).
وقبل ما هي ترد عليهم حتي او يعرفو هيعملو ايه معاها، بيتفاجئو بعدد كبير من الشرطة بيهجمو علي المخزن. وساعتها (لورنا) بتستخدم قواها الخارقة اللى كانت بتخليها تحكم في اي حاجة عن بعد وبتطفي الانوار وتعمل موجة من الطاقة بتعطل عربيات الشرطة وبتحركهم وتسد بيهم الطريق علي الشرطيين عشان يعرفو يهربو.
و(ماركوس) هو كمان بيتحكم في قوته ويصدر عنه ضوء ساطع شديد جدا بيعمي رؤية الكل وبيدي الفرصة لاصحابه انهم يهربو بسرعة، ولما بيهربو من الباب الخلفي للمخزن، بيتفاجئو بشرطي بيطاردهم وبيضرب عليهم نار والرصاصة بتيجي في دراع (ماركوس). وساعتها (لورنا) بتفقد السيطرة علي اعصابها وتثور علي الشرطي وتتحكم فيه وتشيله وتفضل تخبطه في الحيطة وكانت هتقتله.
ووقتها باقي الشرطيين بيلحقوها ويصعقوها لغاية ما بيسيطرو عليها وياخدوها معاهم، انا (ماركوس) كات هرب مع الباقيين.
وبننتقل في المشهد اللي بعد كده لمدرسة، وكان (ريد) اللى بنعرف بعد كده انه هو المدعي العام في شرطة القبض علي المتحولين، كان في المدرسة هو وزوجته عشان يشوفو طريقة مع المدير يمنع بيها التنمر اللى بيحصل لإبنهم (آندي)، ولما المدير مكنش بيقدملهم حلول مناسبة (ريد) بيهدده انه هقلب عاليها واطيها لو حد اتعرض لابنه تاني والموضوع ما اتحلش.
وساعتها (ريد) بيجيله رسالة وكان لازم يسافر عشان يحقق مع واحد من المتحولين وبيقول لزوجته تعتذر للولاد انه مش هيرجع غير بكرة.




























كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح